مرحباااا
بدون مقدمات…
كل واحد فينا بيفكر حالو انو هو أذكى شخص بالوجود(بس الفرص ما عم تجيه لحتى يظهر حالو وذكائو) L ….اليوم انا وانتو ح نجرب ندخل ع هالموقع ونشوف نسبة الذكاء عنا (والله يستر من النتائج) ….هلأ بشكل عام انا بعد ما جربت هاللعبة البسيطة…فيني خبركم انو هوو بشكل رئسي …اللعبة بتعتمد عالذاكرة وبالأخص ذاكرة المدى القريب..(كما تسمى علميا)… هي اللعبة موجودة ع موقع ياباني …تحت عنوان ….اعرف عمر عقلك….(وبالياباني..شين شان شو…ههههه)
ع كل حال …تعو نجرب لأنو مافيها خسارة …وفيها تسلية وأكشن….وبالاسفل بتلاقو شرح بسيط عن طريقة استخدام اللعبة…
اولا- بعد ما تكبسو عالرابط …بتطلع صفحة بتكبسو ع زر ابدأ – start -
ثانيا – اللعبة رح تبلش تعد تنازليا لحتى تبدأ
ثالثا – رح تطلع شاشة بيكون مكتوب فيها أرقام…هلأ انتو لازم تحفظو شو هنن ..لأنو هالارقام بتطلع ثواني وبعدين بتختفي وبتصير ع شكل دوائر ..وانتو لازم تتذكروا الارقام وتكبسوا عليهم من الاصغر للأكبر..ولازم ما تخربطو….هي الشاشة رح تطلع عشر مرات وبتبلش سهلة وشوي شوي بتصعبL
رابعا - بس تخلص كل المحاولات …بيطلع عمر العقل….(بالانكليزي مو بالياباني)
هلأ انا شخصيا ما كتير بصدق انو النتيجة صح…بس ع كل حال …اللعبة مسلية …تعو نجربها
ملاحظة: أنا نجحت بسبعة من أصل عشرة…(بس متأكد انو عقلي أكبر من هيك ….ههههههههههه)
رائعة صالحاني .. وممتعة خزنتها عندي بركي بحاول فيها كل مرة
موضوع حلو كتير الله يعطيك العافية
By: Ahmad Edilbi on الخميس 28, 2008
at 10:32 م
طلع عمري 34 سنة، لعمى ما عم بعرف حالي.
By: علوش on الجمعة 29, 2008
at 12:48 ص
Ahmad Edilibi
أبو حميد …بس ما خبرتنا أديش طلع عمر عقلك .؟؟
علوش
أولا… شكرا لزيارتك…(أول مرة بتمر لعندي بس أكيد مو آخر مرة)
تانيا…شريك انت عقلك أكبر من هيك بكتير
By: Mr. Salhani on السبت 30, 2008
at 10:18 ص
الله يخليلنا البرينت سكرين حجييييي
By: Hassouneh on الخميس 11, 2008
at 11:10 ص